sach ki hiddat se mat bah jae

sach kī hiddat se maat bah jaa.e

jhuuT taḌpe jihāt bah jaa.e

maiñ nichoḌūñ jo apnī āñkhoñ ko

yaar ye kā.enāt bah jaa.e

ishq jab ho sin-e-bulūġhat par

Dar se hī somnāt bah jaa.e

mere itnā qarīb aa jaao

ek duuje meñ zaat bah jaa.e

haath rakhnā yuuñ mere dil par tum

dil kā saarā sabāt bah jaa.e

dekh kar chāñd sā hasīñ chehra

noch le ḳhud ko raat bah jaa.e

zaḳhm huuñ chashm-dāsht ke 'azfar'

ḳhāmushī se hayāt bah jaa.e

sach ki hiddat se mat bah jae

jhuT taDpe jihat bah jae

main nichoDun jo apni aankhon ko

yar ye kaenat bah jae

ishq jab ho sin-e-bulughat par

Dar se hi somnat bah jae

mere itna qarib aa jao

ek duje mein zat bah jae

hath rakhna yun mere dil par tum

dil ka sara sabaat bah jae

dekh kar chand sa hasin chehra

noch le KHud ko raat bah jae

zaKHm hun chashm-dasht ke 'azfar'

KHamushi se hayat bah jae