sachche dil se wada kiya ho aisa bhi to ho sakta hai

sachche dil se va.ada kiyā ho aisā bhī to ho saktā hai

us kā kyā hai bhuul gayā ho aisā bhī to ho saktā hai

fitna-gar kā ruup nayā ho aisā bhī to ho saktā hai

mujh se mil kar us se milā ho aisā bhī to ho saktā hai

ishq mohabbat laag lagāvaT shāyad is meñ kuchh bhī na ho

sirf tumheñ mahsūs huā ho aisā bhī to ho saktā hai

aap mire qātil kyūñ-kar hoñ jhuuT kisī ne uḌāyā hogā

aap kā chehra us jaisā ho aisā bhī to ho saktā hai

ahl-e-basīrat dhokā khā kar ġhair kī bātoñ meñ aa.e hoñ

ghar kā bhedī koī rahā ho aisā bhī to ho saktā hai

pahle bhī abnā-e-vatan ne bechā hai nāmūs-e-vatan ko

vaqt ne ḳhud ko dohrāyā ho aisā bhī to ho saktā hai

zo.am-e-hukūmat ne Thukrāyā rahbar-e-dīñ kī dāvat-e-haq ko

us kā ye anjām huā ho aisā bhī to ho saktā hai

dil to āḳhir dil hai yārāñ kab tak un ke roke ruktā

pakkā phoḌā phuuT bahā ho aisā bhī to ho saktā hai

ḳhatm-e-safar par ahl-e-masāfat itne kyuuñ māyūs hue ho

is manzil se safar nayā ho aisā bhī to ho saktā hai

sachche dil se wada kiya ho aisa bhi to ho sakta hai

us ka kya hai bhul gaya ho aisa bhi to ho sakta hai

fitna-gar ka rup naya ho aisa bhi to ho sakta hai

mujh se mil kar us se mila ho aisa bhi to ho sakta hai

ishq mohabbat lag lagawaT shayad is mein kuchh bhi na ho

sirf tumhein mahsus hua ho aisa bhi to ho sakta hai

aap mere qatil kyun-kar hon jhuT kisi ne uDaya hoga

aap ka chehra us jaisa ho aisa bhi to ho sakta hai

ahl-e-basirat dhoka kha kar ghair ki baaton mein aae hon

ghar ka bhedi koi raha ho aisa bhi to ho sakta hai

pahle bhi abna-e-watan ne becha hai namus-e-watan ko

waqt ne KHud ko dohraya ho aisa bhi to ho sakta hai

zoam-e-hukumat ne Thukraya rahbar-e-din ki dawat-e-haq ko

us ka ye anjam hua ho aisa bhi to ho sakta hai

dil to aaKHir dil hai yaran kab tak un ke roke rukta

pakka phoDa phuT baha ho aisa bhi to ho sakta hai

KHatm-e-safar par ahl-e-masafat itne kyun mayus hue ho

is manzil se safar naya ho aisa bhi to ho sakta hai