sad-shukr bujh gai teri talwar ki hawas

sad-shukr bujh ga.ī tirī talvār kī havas

qātil yahī thī tere gunahgār kī havas

murde ko bhī mazār meñ lene na degī chain

tā-hashr tere sāya-e-dīvār kī havas

sau baar aa.e ġhash arinī hī kahūñgā maiñ

muusā nahīñ ki phir ho na dīdār kī havas

rizvāñ kahāñ ye ḳhuld o iram aur maiñ kahāñ

aa.e the le ke kūcha-e-dildār kī havas

sayyād jab qafas se nikālā thā bahr-e-zab.h

pūchhī to hotī murġh-e-giraftār kī havas

yūsuf ko terī chaah ke saude kī aarzū

iisā ko tere ishq ke āzār kī havas

dast-e-havā-e-gul meñ garebān hai mirā

dāman junūñ meñ khīñchtī hai ḳhaar kī havas

jab ho kisī kā rishta-e-ulfat gale kā tauq

dīvāna-pan hai sub.ha-o-zunnār kī havas

maan.e hai zabt charḳh phuñke kyūñkar ai 'jalāl'

kis tarah nikle āh-e-sharar-bār kī havas

sad-shukr bujh gai teri talwar ki hawas

qatil yahi thi tere gunahgar ki hawas

murde ko bhi mazar mein lene na degi chain

ta-hashr tere saya-e-diwar ki hawas

sau bar aae ghash arini hi kahunga main

musa nahin ki phir ho na didar ki hawas

rizwan kahan ye KHuld o iram aur main kahan

aae the le ke kucha-e-dildar ki hawas

sayyaad jab qafas se nikala tha bahr-e-zabh

puchhi to hoti murgh-e-giraftar ki hawas

yusuf ko teri chah ke saude ki aarzu

isa ko tere ishq ke aazar ki hawas

dast-e-hawa-e-gul mein gareban hai mera

daman junun mein khinchti hai KHar ki hawas

jab ho kisi ka rishta-e-ulfat gale ka tauq

diwana-pan hai subha-o-zunnar ki hawas

mane hai zabt charKH phunke kyunkar ai 'jalal'

kis tarah nikle aah-e-sharar-bar ki hawas