sadaf ko gauhar-e-nāyāb likhnā
ġhalat hai zindagī ko ḳhvāb likhnā
koī pūchhe to tuġhyānī se pahle
umangeñ ho ga.iiñ ġharqāb likhnā
mirī hastī simaT jaa.e to ik din
na hone ke mire asbāb likhnā
ḳhamoshī kā koī pūchhe sabab to
shikan-ālūd haiñ a.asāb likhnā
na.e logoñ kī chāhat matlabī hai
purānī chāhatoñ kā baab likhnā
'navedī' se agar pūchheñ ghaTā.eñ
hai zaḳhmoñ se 'sabā' shādāb likhnā
sadaf ko gauhar-e-nayab likhna
ghalat hai zindagi ko KHwab likhna
koi puchhe to tughyani se pahle
umangen ho gain gharqab likhna
meri hasti simaT jae to ek din
na hone ke mere asbab likhna
KHamoshi ka koi puchhe sabab to
shikan-alud hain aasab likhna
nae logon ki chahat matlabi hai
purani chahaton ka bab likhna
'nawedi' se agar puchhen ghaTaen
hai zaKHmon se 'saba' shadab likhna
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.