sadiyon se zamane ka ye andaz raha hai

sadiyoñ se zamāne kā ye andāz rahā hai

saaya bhī judā ho gayā jab vaqt paḌā hai

bhūle se kisī aur kā rasta nahīñ chhūte

apnī to har ik shaḳhs se raftār judā hai

us rind-e-balā-nosh ko siine se lagā lo

mai-ḳhāne kā zāhid se patā pūchh rahā hai

mañjdhār se Takrā.e haiñ himmat nahīñ haare

TuuTī huī patvār pe ye zo'm rahā hai

ghar apnā kisī aur kī nazroñ se na dekho

har tarah se ujḌā hai magar phir bhī sajā hai

mai-kash kisī tafrīq ke qaa.il hī nahīñ haiñ

vaa.iz ke liye bhī dar-e-mai-ḳhāna khulā hai

ye daur bhī kyā daur hai is daur meñ yaaro

sach bolne vāloñ kā hī anjām burā hai

sadiyon se zamane ka ye andaz raha hai

saya bhi juda ho gaya jab waqt paDa hai

bhule se kisi aur ka rasta nahin chhute

apni to har ek shaKHs se raftar juda hai

us rind-e-bala-nosh ko sine se laga lo

mai-KHane ka zahid se pata puchh raha hai

manjdhaar se Takrae hain himmat nahin haare

TuTi hui patwar pe ye zo'm raha hai

ghar apna kisi aur ki nazron se na dekho

har tarah se ujDa hai magar phir bhi saja hai

mai-kash kisi tafriq ke qail hi nahin hain

waiz ke liye bhi dar-e-mai-KHana khula hai

ye daur bhi kya daur hai is daur mein yaro

sach bolne walon ka hi anjam bura hai