sadme jhelun jaan pe khelun us se mujhe inkar nahin hai

sadme jhelūñ jaan pe khelūñ us se mujhe inkār nahīñ hai

lekin tire paas vafā kā koī bhī me.aar nahīñ hai

ye bhī koī baat hai āḳhir duur hī duur raheñ matvāle

harjā.ī hai chāñd kā joban yā panchhī ko pyaar nahīñ hai

ek zarā sā dil hai jis ko toḌ ke bhī tum jā sakte ho

ye sone kā tauq nahīñ ye chāñdī kī dīvār nahīñ hai

mallāhoñ ne sāhil sāhil maujoñ kī tauhīn to kar dī

lekin phir bhī koī bhañvar tak jaane ko tayyār nahīñ hai

phir bhī vahī sailāb-e-havādis jaane do ai sāhil vaalo

yā is baar safīna Duubā yā us ke mañjdhār nahīñ hai

qaid-e-qafas ke ba.ad karegā qaid-e-gulistāñ kaun gavārā

ab bhī vahī zanjīreñ haiñ go pahlī sī jhankār nahīñ hai

sadme jhelun jaan pe khelun us se mujhe inkar nahin hai

lekin tere pas wafa ka koi bhi mear nahin hai

ye bhi koi baat hai aaKHir dur hi dur rahen matwale

harjai hai chand ka joban ya panchhi ko pyar nahin hai

ek zara sa dil hai jis ko toD ke bhi tum ja sakte ho

ye sone ka tauq nahin ye chandi ki diwar nahin hai

mallahon ne sahil sahil maujon ki tauhin to kar di

lekin phir bhi koi bhanwar tak jaane ko tayyar nahin hai

phir bhi wahi sailab-e-hawadis jaane do ai sahil walo

ya is bar safina Duba ya us ke manjdhaar nahin hai

qaid-e-qafas ke baad karega qaid-e-gulistan kaun gawara

ab bhi wahi zanjiren hain go pahli si jhankar nahin hai