sadme yun ghair par nahin aate

Nizam Rampuri

sadme yun ghair par nahin aate

Nizam Rampuri

MORE BY Nizam Rampuri

    sadme yuuñ ġhair par nahīñ aate

    tumheñ jaur is qadar nahīñ aate

    phir tasallī kaun sūrat

    ḳhvāb meñ bhī nazar nahīñ aate

    aate haiñ jab ki nā-umīd hoñ ham

    kabhī vo va.ade par nahīñ aate

    roz ke intizār ne maarā

    saaf kah do agar nahīñ aate

    nahīñ ma.alūm is kyā baa.is

    roz kahte haiñ par nahīñ aate

    aur tum kis ke ghar nahīñ jaate

    ek mere ghar nahīñ aate

    ab to hai qahr aap jaanā

    nahīñ aate agar nahīñ aate

    sach hai hiile mujhī ko aate haiñ

    aur tumheñ kis qadar nahīñ aate

    un ko maiñ is tarah bhulā.ūñ 'nizām'

    yaad kis baat par nahīñ aate

    sadme yun ghair par nahin aate

    tumhein jaur is qadar nahin aate

    phir tasalli ki kaun si surat

    KHwab mein bhi nazar nahin aate

    aate hain jab ki na-umid hon hum

    kabhi wo wade par nahin aate

    roz ke intizar ne mara

    saf kah do agar nahin aate

    nahin malum is ka kya bais

    roz kahte hain par nahin aate

    aur tum kis ke ghar nahin jate

    ek mere hi ghar nahin aate

    ab to hai qahr aap ka jaana

    nahin aate agar nahin aate

    sach hai hile mujhi ko aate hain

    aur tumhein kis qadar nahin aate

    un ko main is tarah bhulaun 'nizam'

    yaad kis baat par nahin aate

    Source:

    • Book : kulliyat-e-nizaam (Pg. 269)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY