ghair ke zaKHm bhala mujhko batata kyun hai
ġhair ke zaḳhm bhalā mujh ko batātā kyuuñ hai
tū charāġhoñ kī tarah mujh ko jalātā kyuuñ hai
ġhair lagtā hai na apnoñ kī tarah miltā hai
tū zamāne kī tarah mujh ko satātā kyuuñ hai
vaqt ke saath hī hālāt badal jaate haiñ
ye haqīqat hai magar mujh ko sunātā kyuuñ hai
ek muddat se jahāñ qāfile guzre hī nahīñ
aisī rāhoñ meñ charāġhoñ ko jalātā kyuuñ hai
tū ne jab mujh se kināra hī kiyā hai to batā
āj-kal roz mere ḳhvāb meñ aatā kyuuñ hai
ye sahārā hī bahut hai tere dīvānoñ ko
terā kyā lete haiñ dīvār girātā kyuuñ hai
ghair ke zaKHm bhala mujh ko batata kyun hai
tu charaghon ki tarah mujh ko jalata kyun hai
ghair lagta hai na apnon ki tarah milta hai
tu zamane ki tarah mujh ko satata kyun hai
waqt ke sath hi haalat badal jate hain
ye haqiqat hai magar mujh ko sunata kyun hai
ek muddat se jahan qafile guzre hi nahin
aisi rahon mein charaghon ko jalata kyun hai
tu ne jab mujh se kinara hi kiya hai to bata
aaj-kal roz mere KHwab mein aata kyun hai
ye sahaara hi bahut hai tere diwanon ko
tera kya lete hain diwar giraata kyun hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
