safar hai KHatm magar be-ghari na jaegi
safar hai ḳhatm magar be-gharī na jā.egī
hamāre ghar se ye paiġhambarī na jā.egī
nazar gañvā bhī chuke tujh ko dekhne vaale
ufuq ufuq tirī jalva-garī na jā.egī
maiñ apne ḳhvāb tarāshūñ inheñ bikherūñ bhī
mirī sarisht se ye āzarī na jā.egī
hasīñ hai shīsha-o-āhan kā imtizāj magar
tirī siyāsat-e-āhan-garī na jā.egī
maiñ sab ke zaḳhm chunūñ phir unheñ zabāneñ duuñ
balā se dil kī mire abtarī na jā.egī
agarche sard bahut hai dayār-e-qutub-e-shumāl
suḳhan-varoñ kī suḳhan-parvarī na jā.egī
safar hai KHatm magar be-ghari na jaegi
hamare ghar se ye paighambari na jaegi
nazar ganwa bhi chuke tujh ko dekhne wale
ufuq ufuq teri jalwa-gari na jaegi
main apne KHwab tarashun inhen bikherun bhi
meri sarisht se ye aazari na jaegi
hasin hai shisha-o-ahan ka imtizaj magar
teri siyasat-e-ahan-gari na jaegi
main sab ke zaKHm chunun phir unhen zabanen dun
bala se dil ki mere abtari na jaegi
agarche sard bahut hai dayar-e-qutub-e-shumal
suKHan-waron ki suKHan-parwari na jaegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
