safar karun to barabar dikhai deta hai

safar karūñ to barābar dikhā.ī detā hai

nazar se duur huā ghar dikhā.ī detā hai

khulī nigāh se duniyā ko tū ne dekhā nahīñ

khulī nigāh se behtar dikhā.ī detā hai

vo shaḳhs jis ne muhayyā karā.ī chhat mujh ko

sulagtī dhuup meñ aksar dikhā.ī detā hai

basā huā hai mire zehn meñ vo misl-e-mahal

tumheñ jo ghar abhī khanDar dikhā.ī detā hai

talāsh-e-dost meñ ye mas.ala ajab aaya

saf-e-adū meñ bhī rahbar dikhā.ī detā hai

muḳhālifat ho agar dil meñ yā ho tang-nazar

to māhtāb bhī patthar dikhā.ī detā hai

to kyā ye maan luuñ dhokā nazar kā hai ye 'azān'

vo sāmne to nahīñ par dikhā.ī detā hai

safar karun to barabar dikhai deta hai

nazar se dur hua ghar dikhai deta hai

khuli nigah se duniya ko tu ne dekha nahin

khuli nigah se behtar dikhai deta hai

wo shaKHs jis ne muhayya karai chhat mujh ko

sulagti dhup mein aksar dikhai deta hai

basa hua hai mere zehn mein wo misl-e-mahal

tumhein jo ghar abhi khanDar dikhai deta hai

talash-e-dost mein ye masala ajab aaya

saf-e-adu mein bhi rahbar dikhai deta hai

muKHalifat ho agar dil mein ya ho tang-nazar

to mahtab bhi patthar dikhai deta hai

to kya ye man lun dhoka nazar ka hai ye 'azan'

wo samne to nahin par dikhai deta hai