safar kaThin hai main rahon se aashna bhi nahin

safar kaThin hai maiñ rāhoñ se āshnā bhī nahīñ

tirī vafā ke sivā koī aasrā bhī nahīñ

ḳhudā se māñgne baiThā huuñ is parī-vash ko

mire nasīb kī taḳhtī pe jo likhā bhī nahīñ

maiñ jāntā huuñ use jaane kitnī muddat se

ye aur baat ki us shaḳhs se milā bhī nahīñ

uThā ke haath mohabbat kī bārgāhoñ meñ

maiñ sochtā huuñ ki ab koī mudda.ā bhī nahīñ

qadam qadam tirī rāhoñ pe jugnuoñ ke charāġh

ravish ravish mirī qismat meñ ik diyā bhī nahīñ

hazār ḳhvāb sajā.e the apnī rātoñ meñ

khulī jo aañkh to manzar koī rahā bhī nahīñ

safar kaThin hai main rahon se aashna bhi nahin

teri wafa ke siwa koi aasra bhi nahin

KHuda se mangne baiTha hun is pari-wash ko

mere nasib ki taKHti pe jo likha bhi nahin

main jaanta hun use jaane kitni muddat se

ye aur baat ki us shaKHs se mila bhi nahin

uTha ke hath mohabbat ki bargahon mein

main sochta hun ki ab koi muddaa bhi nahin

qadam qadam teri rahon pe jugnuon ke charagh

rawish rawish meri qismat mein ek diya bhi nahin

hazar KHwab sajae the apni raaton mein

khuli jo aankh to manzar koi raha bhi nahin