safar kaThin hi sahi jaan se guzarna kya
safar kaThin hī sahī jaan se guzarnā kyā
jo chal paḌe haiñ to ab raah meñ Thaharnā kyā
jo dil meñ gūñjtī ho aañkh se jhalaktī ho
kisī ke sāmne us baat se mukarnā kyā
inhī ravāñ davāñ lahroñ pe zindagī kaT jaa.e
ho terā saath mayassar to paar utarnā kyā
mile na gauhar-e-maqsūd Duub kar bhī agar
to laash ban ke phir us bahr se ubharnā kyā
jis āb-rūd kī auqāt chand qatre ho
to us ko phāñdnā kyā us meñ paañv dharnā kyā
jahāñ ġhurūr hunar-parvarī ho pumba-e-gosh
vahāñ takalluf-e-arz-e-niyāz karnā kyā
fasād-e-ḳhalq bhī hañgāma dīdanī thā 'zafar'
phir ek baar vahī shoshā chhoḌ Darnā kyā
safar kaThin hi sahi jaan se guzarna kya
jo chal paDe hain to ab rah mein Thaharna kya
jo dil mein gunjti ho aankh se jhalakti ho
kisi ke samne us baat se mukarna kya
inhi rawan dawan lahron pe zindagi kaT jae
ho tera sath mayassar to par utarna kya
mile na gauhar-e-maqsud Dub kar bhi agar
to lash ban ke phir us bahr se ubharna kya
jis aab-rud ki auqat chand qatre ho
to us ko phandna kya us mein panw dharna kya
jahan ghurur hunar-parwari ho pumba-e-gosh
wahan takalluf-e-arz-e-niyaz karna kya
fasad-e-KHalq bhi hangama didani tha 'zafar'
phir ek bar wahi shosha chhoD Darna kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
