safar ke baad bhi zauq-e-safar na rah jae

Abhishek Shukla

safar ke baad bhi zauq-e-safar na rah jae

Abhishek Shukla

MORE BY Abhishek Shukla

    safar ke ba.ad bhī zauq-e-safar na rah jaa.e

    ḳhayāl-o-ḳhvāb meñ ab ke bhī ghar na rah jaa.e

    maiñ sochtā huuñ bahut zindagī ke baare meñ

    ye zindagī bhī mujhe soch kar na rah jaa.e

    bas ek ḳhauf meñ hotī hai har sahar merī

    nishān-e-ḳhvāb kahīñ aañkh par na rah jaa.e

    ye be-hisī to mirī zid thī mere ajzā se

    ki mujh meñ apne ta.āqub Dar na rah jaa.e

    havā-e-shām tirā raqs nā-guzīr sahī

    ye merī ḳhaak tire jism par na rah jaa.e

    usī shakl liyā chāhtī hai ḳhaak mirī

    so shahr-e-jāñ meñ koī kūza-gar na rah jaa.e

    guzar gayā ho agar qāfila to dekh aao

    pas-e-ġhubār kisī nazar na rah jaa.e

    maiñ ek or khaḌā huuñ hisār-e-duniyā ke

    vo jis zid meñ khaḌā huuñ udhar na rah jaa.e

    safar ke baad bhi zauq-e-safar na rah jae

    KHayal-o-KHwab mein ab ke bhi ghar na rah jae

    main sochta hun bahut zindagi ke bare mein

    ye zindagi bhi mujhe soch kar na rah jae

    bas ek KHauf mein hoti hai har sahar meri

    nishan-e-KHwab kahin aankh par na rah jae

    ye be-hisi to meri zid thi mere ajza se

    ki mujh mein apne taaqub ka Dar na rah jae

    hawa-e-sham tera raqs na-guzir sahi

    ye meri KHak tere jism par na rah jae

    usi ki shakl liya chahti hai KHak meri

    so shahr-e-jaan mein koi kuza-gar na rah jae

    guzar gaya ho agar qafila to dekh aao

    pas-e-ghubar kisi ki nazar na rah jae

    main ek or khaDa hun hisar-e-duniya ke

    wo jis ki zid mein khaDa hun udhar na rah jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY