safar ke bich wo bola ki apne ghar jaun

safar ke biich vo bolā ki apne ghar jā.ūñ

añdherī raat meñ tanhā maiñ ab kidhar jā.ūñ

mujhe bigāḌ diyā hai mire hī logoñ ne

koī ḳhulūs se chāhe to maiñ sañvar jā.ūñ

mirī judā.ī meñ guzrī hai zindagī kaisī

ye jī meñ aa.ī hai is baar pūchh kar jā.ūñ

batā tū kufr kā fatvā lagā.egā mujh par

ḳhudā maiñ mānūñ tujhe aur phir mukar jā.ūñ

tū sabz jhiil ke paanī meñ DhūñDtā hī rahe

maiñ chāñd ok meñ bhar luuñ kamāl kar jā.ūñ

balā kā ḳhauf thamāyā hai ā.inoñ ne mujhe

maiñ aks apnā jo dekhūñ to jaise Dar jā.ūñ

safar ke bich wo bola ki apne ghar jaun

andheri raat mein tanha main ab kidhar jaun

mujhe bigaD diya hai mere hi logon ne

koi KHulus se chahe to main sanwar jaun

meri judai mein guzri hai zindagi kaisi

ye ji mein aai hai is bar puchh kar jaun

bata tu kufr ka fatwa lagaega mujh par

KHuda main manun tujhe aur phir mukar jaun

tu sabz jhil ke pani mein DhunDta hi rahe

main chand ok mein bhar lun kamal kar jaun

bala ka KHauf thamaya hai aainon ne mujhe

main aks apna jo dekhun to jaise Dar jaun