safar meñ gard chhaTī rāsta dikhā.ī diyā
aur is ke ba.ad mujhe dūsrā dikhā.ī diyā
zabān harf se mahrūm ho ga.ī hai mirī
batā.ūñ kaise mujhe aur kyā dikhā.ī diyā
mire hī ḳhvāb tamannā kī lau meñ jalte rahe
mirā hī aks sar-e-ā.īna dikhā.ī diyā
nikal ke aap se bāhar dikhā.ī kuchh na diyā
dikhā.ī kuchh na diyā to ḳhudā dikhā.ī diyā
bhaTak rahā thā maiñ be-samt rahguzāroñ meñ
phir ek roz tirā naqsh-e-pā dikhā.ī diyā
safar mein gard chhaTi rasta dikhai diya
aur is ke baad mujhe dusra dikhai diya
zaban harf se mahrum ho gai hai meri
bataun kaise mujhe aur kya dikhai diya
mere hi KHwab tamanna ki lau mein jalte rahe
mera hi aks sar-e-aina dikhai diya
nikal ke aap se bahar dikhai kuchh na diya
dikhai kuchh na diya to KHuda dikhai diya
bhaTak raha tha main be-samt rahguzaron mein
phir ek roz tera naqsh-e-pa dikhai diya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.