safina wo kabhi shayan-e-sahil ho nahin sakta
safīna vo kabhī shāyān-e-sāhil ho nahīñ saktā
jo har tūfāñ se Takrāne ke qābil ho nahīñ saktā
guzar jaa.e jo ādāb-e-junūñ se terī mahfil meñ
vo dīvāna tirī mahfil ke qābil ho nahīñ saktā
havādis ke thapeḌoñ se ulajh tūfāñ se Takrā jā
ki ġham jab tak na ho insān kāmil ho nahīñ saktā
mujhe tuġhyāniyoñ se khelnā aatā hai hañs hañs kar
mirā azm-e-javāñ mamnūn-e-sāhil ho nahīñ saktā
'shamīm' is daur kā ye sañg-dil insāñ are tauba
ki jis se ehtirām-e-shīsha-e-dil ho nahīñ saktā
safina wo kabhi shayan-e-sahil ho nahin sakta
jo har tufan se Takrane ke qabil ho nahin sakta
guzar jae jo aadab-e-junun se teri mahfil mein
wo diwana teri mahfil ke qabil ho nahin sakta
hawadis ke thapeDon se ulajh tufan se Takra ja
ki gham jab tak na ho insan kaamil ho nahin sakta
mujhe tughyaniyon se khelna aata hai hans hans kar
mera azm-e-jawan mamnun-e-sahil ho nahin sakta
'shamim' is daur ka ye sang-dil insan are tauba
ki jis se ehtiram-e-shisha-e-dil ho nahin sakta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
