sag-e-jamal hun gardan se bandh kar le ja

sag-e-jamāl huuñ gardan se bāñdh kar le jā

jamāl-e-yār mujhe aaj sair par le jā

tere laboñ kā tabassum bhī to rahā huuñ kabhī

banā huuñ ashk to palkoñ pe Taañk kar le jā

sameT kar mujhe rakh le ki terā dard huuñ maiñ

tirā hī aib huuñ mujh ko chhupā ke ghar le jā

khubā huā hai tirā husn merī āñkhoñ meñ

nikāl kar mirī āñkhoñ se neshtar le jā

maiñ sañg-dil huuñ to ik roz ḳhāna-e-dil meñ

lage hue haiñ jo patthar ukhāḌ kar le jā

bichhaḌ rahā hai to apnī nishāniyāñ bhī sameT

ab apne saath hī ye kū-e-bām-o-dar le jā

sag-e-jamal hun gardan se bandh kar le ja

jamal-e-yar mujhe aaj sair par le ja

tere labon ka tabassum bhi to raha hun kabhi

bana hun ashk to palkon pe Tank kar le ja

sameT kar mujhe rakh le ki tera dard hun main

tera hi aib hun mujh ko chhupa ke ghar le ja

khuba hua hai tera husn meri aankhon mein

nikal kar meri aankhon se neshtar le ja

main sang-dil hun to ek roz KHana-e-dil mein

lage hue hain jo patthar ukhaD kar le ja

bichhaD raha hai to apni nishaniyan bhi sameT

ab apne sath hi ye ku-e-baam-o-dar le ja