sahaara chahiye koi bashar ko

sahārā chāhiye koī bashar ko

baḌhā diije zarā dard-e-jigar ko

ḳhatā-e-dīd hai taslīm lekin

maiñ āḳhir kyā karūñ apnī nazar ko

hamārī to shab-e-ġham hai musalsal

sahar ham ne nahīñ samjhā sahar ko

maiñ har parde meñ tujh ko dekh lūñgā

vafā ne raushnī dī hai nazar ko

maiñ kin nazroñ se tum ko dekhtā huuñ

zarā pahchān lo merī nazar ko

tumhāre baad vo tanhā.iyāñ haiñ

mujhe ghar aur maiñ taktā huuñ ghar ko

ye mahfil raushnī-e-sham.a tak hai

na hogā koī parvāna sahar ko

bahut hai ik jhalak jalve kī 'maz.har'

sahārā chāhiye zauq-e-nazar ko

sahaara chahiye koi bashar ko

baDha dije zara dard-e-jigar ko

KHata-e-did hai taslim lekin

main aaKHir kya karun apni nazar ko

hamari to shab-e-gham hai musalsal

sahar hum ne nahin samjha sahar ko

main har parde mein tujh ko dekh lunga

wafa ne raushni di hai nazar ko

main kin nazron se tum ko dekhta hun

zara pahchan lo meri nazar ko

tumhaare baad wo tanhaiyan hain

mujhe ghar aur main takta hun ghar ko

ye mahfil raushni-e-shama tak hai

na hoga koi parwana sahar ko

bahut hai ek jhalak jalwe ki 'mazhar'

sahaara chahiye zauq-e-nazar ko