sahaare un ke jab hasil nahin hain

sahāre un ke jab hāsil nahīñ haiñ

to jiine ke maze kāmil nahīñ haiñ

nigāheñ kaam kar jaatī haiñ dil kā

ḳhudā shāhid ki vo qātil nahīñ haiñ

na shām-e-ġham na sub.h-e-zindagānī

yahī dilchaspiyāñ hāsil nahīñ haiñ

jinheñ ehsās-e-ḳhuddārī hai ai dost

haiñ fāqa-kash magar saa.il nahīñ haiñ

ye ḳhās-o-‘ām kī tafrīq kaisī

ham is tafrīq ke qaa.il nahīñ haiñ

ḳhalā meñ uḌ ke pahuñche haiñ kuchh insāñ

magar is kaam meñ kāmil nahīñ haiñ

chaman meñ rah ga.e murjhā ke jo phuul

vo 'bāsir' haar ke qābil nahīñ haiñ

sahaare un ke jab hasil nahin hain

to jine ke maze kaamil nahin hain

nigahen kaam kar jati hain dil ka

KHuda shahid ki wo qatil nahin hain

na sham-e-gham na subh-e-zindagani

yahi dilchaspiyan hasil nahin hain

jinhen ehsas-e-KHuddari hai ai dost

hain faqa-kash magar sail nahin hain

ye KHas-o-‘am ki tafriq kaisi

hum is tafriq ke qail nahin hain

KHala mein uD ke pahunche hain kuchh insan

magar is kaam mein kaamil nahin hain

chaman mein rah gae murjha ke jo phul

wo 'basir' haar ke qabil nahin hain