sahar ke baad bhi jo log jagne se rahe

sahar ke ba.ad bhī jo log jāgne se rahe

kisī bhī ḳhvāb kī ta.abīr dekhne se rahe

haTā rahe haiñ sabhī raah se mirī patthar

vo mere paañv kī zanjīr kāTne se rahe

ho do qadam kī hī duurī pe tum khaḌe lekin

qadam baḌhā ke mirā haath thāmne se rahe

maiñ aa.ina huuñ tumhārā isī sabab se tum

mire vajūd kī ḳhūbī ko DhūñDne se rahe

hai muḳhtasar ye kahānī ki vo mire nā hue

rahe palaTne se vo ham bhī rokne se rahe

zamāna dauḌ rahā hai ye kaisī dauḌ 'hinā'

jo ghar se nikle vo phir ghar ko lauTne se rahe

sahar ke baad bhi jo log jagne se rahe

kisi bhi KHwab ki tabir dekhne se rahe

haTa rahe hain sabhi rah se meri patthar

wo mere panw ki zanjir kaTne se rahe

ho do qadam ki hi duri pe tum khaDe lekin

qadam baDha ke mera hath thamne se rahe

main aaina hun tumhaara isi sabab se tum

mere wajud ki KHubi ko DhunDne se rahe

hai muKHtasar ye kahani ki wo mere na hue

rahe palaTne se wo hum bhi rokne se rahe

zamana dauD raha hai ye kaisi dauD 'hina'

jo ghar se nikle wo phir ghar ko lauTne se rahe