sahar na hath lagi sau sitare chhu aae

sahar na haath lagī sau sitāre chhū aa.e

duā karo hameñ ādab-e-justujū aa.e

ajiib raushnī dar aa.ī hai darīche se

purāne zaḳhm se yak-laḳht jyuuñ lahū aa.e

batāo gor-kano! ek ghar banā doge?

ki jis meñ ḳhvāb na chehra na aarzū aa.e

vo taara TuuTā idhar mail likh rahā huuñ tujhe

pa terā naam na chehra na yaad tū aa.e

chaTaḳh ke TūTnā aadat huī hai chehre kī

aur us pe shauq ki ā.īna rū-ba-rū aa.e

sahar na hath lagi sau sitare chhu aae

dua karo hamein aadab-e-justuju aae

ajib raushni dar aai hai dariche se

purane zaKHm se yak-laKHt jyun lahu aae

batao gor-kano! ek ghar bana doge?

ki jis mein KHwab na chehra na aarzu aae

wo tara TuTa idhar mail likh raha hun tujhe

pa tera nam na chehra na yaad tu aae

chaTaKH ke TuTna aadat hui hai chehre ki

aur us pe shauq ki aaina ru-ba-ru aae