sahma sahma jab ek misra ghazal sunae tum aana

sahmā sahmā jab ik misra ġhazal sunā.e tum aanā

rūThī rūThī garm havā jab bārish laa.e tum aanā

tapte gul ke dāman se kyoñ tum ne churā.ī ḳhushbū hai

ab jo surḳhī aḳhbāroñ kī aag lagā.e tum aanā

rasta manzil ḳhvāb tasavvur sachchā.ī bas itnī hai

dastak koī sannāTe kī aa ke jagā.e tum aanā

mere ghar ke darvāze par kis ne likhā hai kājal se

TukḌā TukḌā koī āñchal jab lahrā.e tum aanā

'zāhid' ke gaañv kā jehlam ab bhī paanī paanī hai

har qisse kī zinda kahānī jab bah jaa.e tum aanā

sahma sahma jab ek misra ghazal sunae tum aana

ruThi ruThi garm hawa jab barish lae tum aana

tapte gul ke daman se kyon tum ne churai KHushbu hai

ab jo surKHi aKHbaron ki aag lagae tum aana

rasta manzil KHwab tasawwur sachchai bas itni hai

dastak koi sannaTe ki aa ke jagae tum aana

mere ghar ke darwaze par kis ne likha hai kajal se

TukDa TukDa koi aanchal jab lahrae tum aana

'zahid' ke ganw ka jehlam ab bhi pani pani hai

har qisse ki zinda kahani jab bah jae tum aana