sahme se the parind basera udas tha

sahme se the parind baserā udaas thā

jañgal kī tarah shahr meñ ḳhauf-o-hirās thā

donoñ hī ajnabī the magar TuuT kar mile

maiñ dard-āshnā vo sitāra-shanās thā

kis tamkanat se anjuman ārāsta kiye

tanhā.iyoñ meñ koī mire ās-pās thā

āñkhoñ se merī sub.h tak aañsū na tham sake

kal raat vo milā to bahut hī udaas thā

apnī to intishār meñ guzrī tamām umr

vo koī aur haiñ jinheñ māhaul raas thā

us ne kuchh is adā se pazīrā.ī kī mirī

tahzīb-e-husn par maiñ sarāpā sipās thā

samt-e-safar badal degā vo agle moḌ par

'ishrat' mujhe gumāñ thā na koī qayās thā

sahme se the parind basera udas tha

jangal ki tarah shahr mein KHauf-o-hiras tha

donon hi ajnabi the magar TuT kar mile

main dard-ashna wo sitara-shanas tha

kis tamkanat se anjuman aarasta kiye

tanhaiyon mein koi mere aas-pas tha

aankhon se meri subh tak aansu na tham sake

kal raat wo mila to bahut hi udas tha

apni to intishaar mein guzri tamam umr

wo koi aur hain jinhen mahaul ras tha

us ne kuchh is ada se pazirai ki meri

tahzib-e-husn par main sarapa sipas tha

samt-e-safar badal dega wo agle moD par

'ishrat' mujhe guman tha na koi qayas tha