sahra-e-la-hudud mein tishna-labi ki KHair

Ajay Sahaab

sahra-e-la-hudud mein tishna-labi ki KHair

Ajay Sahaab

MORE BYAjay Sahaab

    sahrā-e-lā-hudūd meñ tishna-labī ḳhair

    māhaul-e-ashk-bār meñ lab hañsī ḳhair

    laffāz saare ban ga.e shāh-e-suḳhan yahāñ

    sādiq suḳhan-varoñ suḳhan-parvarī ḳhair

    mashriq meñ hind-o-chīn ke bāzār yuuñ baḌhe

    jāh-o-jalāl-e-maġhribo-bartānavī ḳhair

    hai auratoñ dhuum zamīñ se falak talak

    sa.ī-e-baqā-e-shaukat-e-mardāngī ḳhair

    arzāñ hai musht-e-ḳhāk se insān hayāt

    tahzīb-e-qatl-o-ḳhūn meñ ab zindagī ḳhair

    har samt qatl-e-ām hai maz.hab ke naam par

    saarī aqīdatoñ ḳhudā-parvarī ḳhair

    jamhūriyat laash pe tāqat hai ḳhanda-zan

    is barahna nizām meñ har aadmī ḳhair

    saarā vatan samajh chukā dair-o-haram sach

    bad-kār rahbarān bāzīgarī ḳhair

    urdu ġhazal ke naam pe chalte haiñ chuTkule

    ġhālib ke faiz 'mīr' us sāhirī ḳhair

    maġhrib se aa ga.ī yahāñ tahzīb-e-barahna

    mashriq tirī rivāyatī pākīzgī ḳhair

    andhe parakh rahe yahāñ me.ār-e-raushnī

    dīdavar-e-hunar tirī dīda-varī ḳhair

    sahra-e-la-hudud mein tishna-labi ki KHair

    mahaul-e-ashk-bar mein lab ki hansi ki KHair

    laffaz sare ban gae shah-e-suKHan yahan

    sadiq suKHan-waron ki suKHan-parwari ki KHair

    mashriq mein hind-o-chin ke bazar yun baDhe

    jah-o-jalal-e-maghribo-bartanawi ki KHair

    hai auraton ki dhum zamin se falak talak

    sai-e-baqa-e-shaukat-e-mardangi ki KHair

    arzan hai musht-e-KHak se insan ki hayat

    tahzib-e-qatl-o-KHun mein ab zindagi ki KHair

    har samt qatl-e-am hai mazhab ke nam par

    sari aqidaton ki KHuda-parwari ki KHair

    jamhuriyat ki lash pe taqat hai KHanda-zan

    is barahna nizam mein har aadmi ki KHair

    sara watan samajh chuka dair-o-haram ka sach

    bad-kar rahbaran ki bazigari ki KHair

    urdu ghazal ke nam pe chalte hain chuTkule

    ghaalib ke faiz 'mir' ki us sahiri ki KHair

    maghrib se aa gai yahan tahzib-e-barahna

    mashriq teri riwayati pakizgi ki KHair

    andhe parakh rahe yahan mear-e-raushni

    didawar-e-hunar teri dida-wari ki KHair

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY