sahra ka pata de na samundar ka pata de
sahrā kā patā de na samundar kā patā de
achchhā ho ki ab mujh ko mire ghar kā patā de
hai kaun mirā dushman-e-jāñ mujh ko ḳhabar hai
kab maiñ ne kahā mujh ko sitamgar kā patā de
ye raat amāvas kī to kaaTe nahīñ kaTtī
ab aa ke mujhe māh-e-munavvar kā patā de
ḳhatre meñ paḌī jaatī hai maqtūl kī pahchān
shāyad hī koī shahr meñ ab sar kā patā de
be-samt-o-jehat bhiiḌ meñ shāmil na ho us se
ummat kā pata pūchh payambar kā patā de
maidān hai ḳhālī koī parcham hai na sar hai
hai kaun jo kho.e hue lashkar kā patā de
ab āḳhirī taarā bhī huā aañkh se ojhal
ai āsmāñ ab sub.h ke manzar kā patā de
sahra ka pata de na samundar ka pata de
achchha ho ki ab mujh ko mere ghar ka pata de
hai kaun mera dushman-e-jaan mujh ko KHabar hai
kab main ne kaha mujh ko sitamgar ka pata de
ye raat amawas ki to kaTe nahin kaTti
ab aa ke mujhe mah-e-munawwar ka pata de
KHatre mein paDi jati hai maqtul ki pahchan
shayad hi koi shahr mein ab sar ka pata de
be-samt-o-jehat bhiD mein shamil na ho us se
ummat ka pata puchh payambar ka pata de
maidan hai KHali koi parcham hai na sar hai
hai kaun jo khoe hue lashkar ka pata de
ab aaKHiri tara bhi hua aankh se ojhal
ai aasman ab subh ke manzar ka pata de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
