sahra se na jangal ki kabhi KHak se uTThe

sahrā se na jangal kī kabhī ḳhaak se uTThe

ab ke vo bagūle ḳhas-o-ḳhāshāk se uTThe

barsegī vo ātish ki jhulas jā.eñge dariyā

ik abr agar dīda-e-nam-nāk se uTThe

go tū ne har ik shaḳhs ko miTTī se banāyā

par sañg ke paikar bhī tire chaak se uTThe

hai jin kī bulandī pe ḳhajil auj-e-surayyā

kuchh aise sitāre bhī mirī ḳhaak se uTThe

ik habs-e-balā-ḳhez garāñ thā so bil-āḳhir

ham sāda-sifat mahfil-e-chālāk se uTThe

tujh jism ko chhūne kā ye e'zāz hai jānāñ

ḳhushbū tirī utrī huī poshāk se uTThe

thī jin se falak-bos pahāḌoñ ko girānī

vo sadme bhī 'nāsir' dil-e-ġhamnāk se uTThe

sahra se na jangal ki kabhi KHak se uTThe

ab ke wo bagule KHas-o-KHashak se uTThe

barsegi wo aatish ki jhulas jaenge dariya

ek abr agar dida-e-nam-nak se uTThe

go tu ne har ek shaKHs ko miTTi se banaya

par sang ke paikar bhi tere chaak se uTThe

hai jin ki bulandi pe KHajil auj-e-surayya

kuchh aise sitare bhi meri KHak se uTThe

ek habs-e-bala-KHez garan tha so bil-aKHir

hum sada-sifat mahfil-e-chaalak se uTThe

tujh jism ko chhune ka ye e'zaz hai jaanan

KHushbu teri utri hui poshak se uTThe

thi jin se falak-bos pahaDon ko girani

wo sadme bhi 'nasir' dil-e-ghamnak se uTThe