sahraon mein dariya bhi safar bhul gaya hai

Waheed Akhtar

sahraon mein dariya bhi safar bhul gaya hai

Waheed Akhtar

MORE BYWaheed Akhtar

    sahrāoñ meñ dariyā bhī safar bhuul gayā hai

    miTTī ne samundar lahū chuus liyā hai

    duniyā malāmat bhī ab ḳhauf hai dil ko

    ḳhāshāk ne maujoñ ko giraftār kiyā hai

    manzil hai na jaada hai na saaya hai na paanī

    tanhā.ī ehsās faqat rāh-numā hai

    sūraj bhī paḌā rotā hai ik gahre kueñ meñ

    barsoñ hue ākāsh bhī dhundlāyā huā hai

    bichhḌe hue ḳhvāb aa ke pakaḌ lete haiñ dāman

    har rāsta parchhā.iyoñ ne rok liyā hai

    kirnoñ se tarāshā huā ik nuur paikar

    sharmāyā huā ḳhvāb chaukhaT pe khaḌā hai

    phūloñ se ladī Tahniyāñ phailā.e haiñ bāñheñ

    ḳhushbū badan ḳhaak meñ pāmāl paḌā hai

    dīvār-o-dar-e-shahr pe haiñ ḳhuun ke dhabbe

    rañgoñ hasīñ qāfila sahrā meñ luTā hai

    sahraon mein dariya bhi safar bhul gaya hai

    miTTi ne samundar ka lahu chus liya hai

    duniya ki malamat ka bhi ab KHauf hai dil ko

    KHashak ne maujon ko giraftar kiya hai

    manzil hai na jada hai na saya hai na pani

    tanhai ka ehsas faqat rah-numa hai

    suraj bhi paDa rota hai ek gahre kuen mein

    barson hue aakash bhi dhundlaya hua hai

    bichhDe hue KHwab aa ke pakaD lete hain daman

    har rasta parchhaiyon ne rok liya hai

    kirnon se tarasha hua ek nur ka paikar

    sharmaya hua KHwab ki chaukhaT pe khaDa hai

    phulon se ladi Tahniyan phailae hain banhen

    KHushbu ka badan KHak mein pamal paDa hai

    diwar-o-dar-e-shahr pe hain KHun ke dhabbe

    rangon ka hasin qafila sahra mein luTa hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY