sair-e-gulshan se jo fursat ho idhar bhi dekho

sair-e-gulshan se jo fursat ho idhar bhī dekho

rañg-e-gul dekh chuke dāġh-e-jigar bhī dekho

merī mayyat pe use ḳhāk-basar bhī dekho

zindagī-bhar kī riyāzat kā samar bhī dekho

nuqta-e-husn ba-andāz-e-digar bhī dekho

ishq kā zāviya-e-husn-e-nazar bhī dekho

ek hī husn ke jalve nazar ā.eñge tamām

ā.ina-ḳhāna-e-duniyā meñ jidhar bhī dekho

hasrat-o-yās-o-ġham-o-ranj haiñ mehmāñ dil meñ

kitnā ābād hai allāh kā ghar bhī dekho

bikhrī sindūr bharī zulfoñ meñ rū-e-raushan

surḳhi-e-shām meñ unvān-e-sahar bhī dekho

marte marte na haTe rāh-e-mohabbat se qadam

mujh meñ sau aib sahī ek hunar bhī dekho

farq karte nahīñ 'sho.ala' ḳhazaf-o-gauhar meñ

ye sitam-zarfī-e-arbāb-e-nazar bhī dekho

sair-e-gulshan se jo fursat ho idhar bhi dekho

rang-e-gul dekh chuke dagh-e-jigar bhi dekho

meri mayyat pe use KHak-basar bhi dekho

zindagi-bhar ki riyazat ka samar bhi dekho

nuqta-e-husn ba-andaz-e-digar bhi dekho

ishq ka zawiya-e-husn-e-nazar bhi dekho

ek hi husn ke jalwe nazar aaenge tamam

aaina-KHana-e-duniya mein jidhar bhi dekho

hasrat-o-yas-o-gham-o-ranj hain mehman dil mein

kitna aabaad hai allah ka ghar bhi dekho

bikhri sindur bhari zulfon mein ru-e-raushan

surKHi-e-sham mein unwan-e-sahar bhi dekho

marte marte na haTe rah-e-mohabbat se qadam

mujh mein sau aib sahi ek hunar bhi dekho

farq karte nahin 'shoala' KHazaf-o-gauhar mein

ye sitam-zarfi-e-arbab-e-nazar bhi dekho