sair-e-shab-e-la-makan aur main

sair-e-shab-e-lā-makāñ aur maiñ

ek hue raftagāñ aur maiñ

saañs ḳhalāoñ ne lī siina bhar

phail gayā āsmāñ aur maiñ

sar meñ sulagtī havā tishna-tar

dam se ulajhtā dhuāñ aur maiñ

ism-e-abad kī talāsh-e-tavīl

husn-e-shuru-e-gumāñ aur maiñ

merī farāvāniyāñ nau-ba-nau

ab hai nashāt-e-ziyāñ aur maiñ

donoñ taraf jañgaloñ kā sukūt

shor bahut darmiyāñ aur maiñ

ḳhaak o ḳhalā be-charāġh aur shab

naqsh o navā be-nishāñ aur maiñ

phir mire dil meñ koī taaza khoT

phir koī saḳht imtihāñ aur maiñ

kab se bhaTakte haiñ bāham alag

lamha-e-kam-mehrbāñ aur maiñ

duur chhatoñ par barastā thā qahr

chup rahe kyuuñ tum yahāñ aur maiñ

ġhair matālib kahīñ aur DhūñD

sahl bahut sharh-e-jāñ aur maiñ

sair-e-shab-e-la-makan aur main

ek hue raftagan aur main

sans KHalaon ne li sina bhar

phail gaya aasman aur main

sar mein sulagti hawa tishna-tar

dam se ulajhta dhuan aur main

ism-e-abad ki talash-e-tawil

husn-e-shuru-e-guman aur main

meri farawaniyan nau-ba-nau

ab hai nashat-e-ziyan aur main

donon taraf jangalon ka sukut

shor bahut darmiyan aur main

KHak o KHala be-charagh aur shab

naqsh o nawa be-nishan aur main

phir mere dil mein koi taza khoT

phir koi saKHt imtihan aur main

kab se bhaTakte hain baham alag

lamha-e-kam-mehrban aur main

dur chhaton par barasta tha qahr

chup rahe kyun tum yahan aur main

ghair matalib kahin aur DhunD

sahl bahut sharh-e-jaan aur main