sajdon mein aajizi ka maza humse puchhiye

sajdoñ meñ ājizī kā maza ham se pūchhiye

be-laus bandagī kā maza ham se pūchhiye

logo baḌe ḳhulūs se luuTe ga.e haiñ ham

rahbar kī rahbarī kā maza ham se pūchhiye

tark-e-ta.alluqāt pe aañsū nikal paḌe

barsoñ kī dostī kā maza ham se pūchhiye

ho kar judā vo mujh se mire saath saath hai

is rabt-e-bāhamī kā maza ham se pūchhiye

ham ne use qarīb se dekhā hai bārhā

kam-baḳht muflisī kā maza ham se pūchhiye

insāniyat zamāne meñ maflūj ho ga.ī

tahzīb kī ġhamī kā maza ham se pūchhiye

jab zikr-e-mustafā meñ the masrūf ham 'jamīl'

us vaqt kī ḳhushī kā maza ham se pūchhiye

sajdon mein aajizi ka maza hum se puchhiye

be-laus bandagi ka maza hum se puchhiye

logo baDe KHulus se luTe gae hain hum

rahbar ki rahbari ka maza hum se puchhiye

tark-e-talluqat pe aansu nikal paDe

barson ki dosti ka maza hum se puchhiye

ho kar juda wo mujh se mere sath sath hai

is rabt-e-bahami ka maza hum se puchhiye

hum ne use qarib se dekha hai barha

kam-baKHt muflisi ka maza hum se puchhiye

insaniyat zamane mein mafluj ho gai

tahzib ki ghami ka maza hum se puchhiye

jab zikr-e-mustafa mein the masruf hum 'jamil'

us waqt ki KHushi ka maza hum se puchhiye