saje hain har taraf bazar aisa kyun nahin hota

saje haiñ har taraf bāzār aisā kyuuñ nahīñ hotā

bike ab to ġham-e-lāchār aisā kyuuñ nahīñ hotā

tumhāre aur mere darmiyāñ parda hai ġhaflat kā

gire kambaḳht ye dīvār aisā kyuuñ nahīñ hotā

abhī yuuñ hī ḳhayāl aayā agar vo zulm kartā hai

to pahuñche kaifar-e-kirdār aisā kyuuñ nahīñ hotā

farishta hī chalā aa.e agar insāñ nahīñ aatā

mirā dil hai bayābāñ ġhaar aisā kyuuñ nahīñ hotā

kisī kī yaad kī ThanDī havā.eñ aaj bhī haiñ par

kareñ dil ko gul-o-gulzār aisā kyuuñ nahīñ hotā

ġhazal kā sher un par bhī asar-andāz hotā hai

miyāñ 'ulfat' magar har baar aisā kyuuñ nahīñ hotā

saje hain har taraf bazar aisa kyun nahin hota

bike ab to gham-e-lachaar aisa kyun nahin hota

tumhaare aur mere darmiyan parda hai ghaflat ka

gire kambaKHt ye diwar aisa kyun nahin hota

abhi yun hi KHayal aaya agar wo zulm karta hai

to pahunche kaifar-e-kirdar aisa kyun nahin hota

farishta hi chala aae agar insan nahin aata

mera dil hai bayaban ghaar aisa kyun nahin hota

kisi ki yaad ki ThanDi hawaen aaj bhi hain par

karen dil ko gul-o-gulzar aisa kyun nahin hota

ghazal ka sher un par bhi asar-andaz hota hai

miyan 'ulfat' magar har bar aisa kyun nahin hota