saKHt hain marhala-e-rizq bhi hum jaante hain
saḳht haiñ marhala-e-rizq bhī ham jānte haiñ
par ise mā’rka-e-‘ishq se kam jānte haiñ
aaj tak un kī ḳhudā.ī se hai inkār mujhe
maiñ to ik 'umr se kāfir huuñ sanam jānte haiñ
in kamandoñ meñ giraftār na hoñge ki ġhazāl
zaḳhm-ḳhurda haiñ magar sheva-e-ram jānte haiñ
yahī ik dhuup kā TukḌā yahī ik kūza-e-ḳhāk
ham ise daulat-e-iskandar-o-jam jānte haiñ
jānte sab haiñ ki ham rakhte haiñ ḳham tarf-e-kulāh
aur kyoñ rakhte haiñ ye ahl-e-sitam jānte haiñ
saKHt hain marhala-e-rizq bhi hum jaante hain
par ise ma’rka-e-‘ishq se kam jaante hain
aaj tak un ki KHudai se hai inkar mujhe
main to ek 'umr se kafir hun sanam jaante hain
in kamandon mein giraftar na honge ki ghazal
zaKHm-KHurda hain magar shewa-e-ram jaante hain
yahi ek dhup ka TukDa yahi ek kuza-e-KHak
hum ise daulat-e-iskandar-o-jam jaante hain
jaante sab hain ki hum rakhte hain KHam tarf-e-kulah
aur kyon rakhte hain ye ahl-e-sitam jaante hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
