سخت مشکل عذاب ہے جاناں

سخت مشکل عذاب ہے جاناں

جیسے تو بھی سراب ہے جاناں

اک حقیقت ہے یا فسانہ ہے

زندگی ہے یا خواب ہے جاناں

درد دل عمر سے مقید تھا

سو وہ اب بے حساب ہے جاناں

ابھی روٹھے ہو مان جاؤ تم

یہی اچھا جواب ہے

ہم سے پردۂ ناز کیا معنی

چاند تو بے نقاب ہے جاناں

تم میرے شہر میں ہی ہو لیکن

کس قدر یہ عتاب ہے جاناں

پر تکلف ہے آج کی محفل

تم کہو کیا شراب ہے جاناں

یہ ہے حالت ہماری جو بھی ہے

یہ ترا انتخاب ہے جاناں

تمہیں دیکھیں تو ایسا لگتا ہے

ایک سا اضطراب ہے جاناں

اتنا برہمؔ برا نہیں لیکن

عشق خانہ خراب ہے جاناں