salam aaKHir qubul karna tumhaari duniya se kaT rahe hain

salām āḳhir qubūl karnā tumhārī duniyā se kaT rahe haiñ

yahāñ pe koī nahīñ hamārā tumhārī duniyā se kaT rahe haiñ

har or ranjish har or nafrat yahāñ zarā bhī sukūñ nahīñ hai

so tang aa kar hamāre maulā tumhārī duniyā se kaT rahe haiñ

agar banānā ise dobāra to nafratoñ se judā banānā

banā sako tab hameñ bulānā tumhārī duniyā se kaT rahe haiñ

mujhe banāo use banāo hamārī duniyā alag banāo

hamāre qābil nahīñ ye duniyā tumhārī duniyā se kaT rahe haiñ

use batānā ki baad us ke hameñ ye duniyā to kāTtī hai

jo jaate jaate ye kah gayā thā tumhārī duniyā se kaT rahe haiñ

salam aaKHir qubul karna tumhaari duniya se kaT rahe hain

yahan pe koi nahin hamara tumhaari duniya se kaT rahe hain

har or ranjish har or nafrat yahan zara bhi sukun nahin hai

so tang aa kar hamare maula tumhaari duniya se kaT rahe hain

agar banana ise dobara to nafraton se juda banana

bana sako tab hamein bulana tumhaari duniya se kaT rahe hain

mujhe banao use banao hamari duniya alag banao

hamare qabil nahin ye duniya tumhaari duniya se kaT rahe hain

use batana ki baad us ke hamein ye duniya to kaTti hai

jo jate jate ye kah gaya tha tumhaari duniya se kaT rahe hain