samajh ke farz kabhi din ko raat mat karna

samajh ke farz kabhī din ko raat mat karnā

guzarte lamhoñ se taqsīm zaat mat karnā

bachā ke tez havā meñ bikharnā paḌtā hai

anā ko nazar ġham-e-hādsāt mat karnā

na jaane kaun kahāñ kyā savāl kar baiThe

ġhubār-e-rāhguzar apne saath mat karnā

sameTnā na sar-e-rāh ḳhvāb kī kircheñ

lahū-luhān kabhī apne haath mat karnā

nahīñ gunāh kisī shai kī aarzū lekin

is aarzū ko ġham-e-kā.enāt mat karnā

haiñ darmiyāñ meñ abhī fāsle usūloñ ke

qarīb aa ke abhī mujh se baat mat karnā

zavāl-e-zāt to 'parvāz' sab kī qismat hai

yaqīn-e-dil ko magar be-sabāt mat karnā

samajh ke farz kabhi din ko raat mat karna

guzarte lamhon se taqsim zat mat karna

bacha ke tez hawa mein bikharna paDta hai

ana ko nazar gham-e-hadsat mat karna

na jaane kaun kahan kya sawal kar baiThe

ghubar-e-rahguzar apne sath mat karna

sameTna na sar-e-rah KHwab ki kirchen

lahu-luhan kabhi apne hath mat karna

nahin gunah kisi shai ki aarzu lekin

is aarzu ko gham-e-kaenat mat karna

hain darmiyan mein abhi fasle usulon ke

qarib aa ke abhi mujh se baat mat karna

zawal-e-zat to 'parwaz' sab ki qismat hai

yaqin-e-dil ko magar be-sabaat mat karna