samajh saka na baat main kyon mustaqil wabaal mein raha

samajh sakā na baat maiñ kyoñ mustaqil vabāl meñ rahā

javāb meñ na aa sakā hamesha hī savāl meñ rahā

miTegā kaise fāsla vo us ke mere biich kā bhalā

junūb meñ rahā jo maiñ to jā ke vo shumāl meñ rahā

bhulā diyā gayā huuñ maiñ ki jaise ḳhvāb-e-ḳhām thā koī

vo naqsh-e-zehn-o-dil banā ravāñ-davāñ misāl maiñ rahā

qadam qadam bichhe the chār-sū vo mas.aloñ ke jaal se

shikār-gah hayāt thī hamesha qaid jaal meñ rahā

guzar ke vaqt jā.egā kahāñ hadoñ se kā.enāt kī

ki bahr-e-be-karāñ sā vo hamesha apne haal meñ rahā

samajh saka na baat main kyon mustaqil wabaal mein raha

jawab mein na aa saka hamesha hi sawal mein raha

miTega kaise fasla wo us ke mere bich ka bhala

junub mein raha jo main to ja ke wo shumal mein raha

bhula diya gaya hun main ki jaise KHwab-e-KHam tha koi

wo naqsh-e-zehn-o-dil bana rawan-dawan misal main raha

qadam qadam bichhe the chaar-su wo masalon ke jal se

shikar-gah hayat thi hamesha qaid jal mein raha

guzar ke waqt jaega kahan hadon se kaenat ki

ki bahr-e-be-karan sa wo hamesha apne haal mein raha