samajhne wala mera martaba samajhta hai

samajhne vaalā mirā martaba samajhtā hai

so farq paḌtā nahīñ kaun kyā samajhtā hai

ye terī chāragarī merī jaan le legī

na tū mujhe na mirā mas.ala samajhtā hai

maiñ apnī maut ko ab zindagī samajhtā huuñ

maiñ kyuuñ samajhtā huuñ merā ḳhudā samajhtā hai

maiñ ab kahānī se bāhar nikalnā chāhtā huuñ

kahānī-kār mirā mudda.ā samajhtā hai

vo is liye bhī palaT kar kabhī na aa.egā

vo merā haal mirā faisla samajhtā hai

maiñ kah rahā huuñ mujhe thoḌā soch kar samjho

ki ye lage mujhe koī ḳhalā samajhtā hai

zamāna kuchh bhī samajhtā nahīñ hai sach hai ye

isī liye to tujhe bhī mirā samajhtā hai

samajhne wala mera martaba samajhta hai

so farq paDta nahin kaun kya samajhta hai

ye teri chaaragari meri jaan le legi

na tu mujhe na mera masala samajhta hai

main apni maut ko ab zindagi samajhta hun

main kyun samajhta hun mera KHuda samajhta hai

main ab kahani se bahar nikalna chahta hun

kahani-kar mera muddaa samajhta hai

wo is liye bhi palaT kar kabhi na aaega

wo mera haal mera faisla samajhta hai

main kah raha hun mujhe thoDa soch kar samjho

ki ye lage mujhe koi KHala samajhta hai

zamana kuchh bhi samajhta nahin hai sach hai ye

isi liye to tujhe bhi mera samajhta hai