samand-e-shauq pe KHat us ka taziyana hua

Athar Nadir

samand-e-shauq pe KHat us ka taziyana hua

Athar Nadir

MORE BYAthar Nadir

    samand-e-shauq pe ḳhat us tāziyāna huā

    mile hue bhī to us se hameñ zamāna huā

    ye sochtā huuñ ki āḳhir vo maslahat kyā thī

    ki jis se tark-e-ta.alluq ik bahāna huā

    ab aa bhī jaao ki ik dūsre meñ gum ho jaa.eñ

    visāl-o-hijr qissa bahut purānā huā

    vo jis se milne dil meñ taḌap ziyāda hai

    hamārā us se ta.āruf bhī ġhā.ebāna huā

    sadāqatoñ pe yaqīñ koī kis tarah kar le

    ki kal jo sach thā vahī aaj ik fasāna huā

    vo terī bazm se bāzār ho ki gulshan ho

    kahāñ kahāñ na mirā dil tirā nishāna huā

    vo aaj aa.e haiñ 'nādir' to aisā lagtā hai

    falak pe jaise hamārā ġharīb-ḳhāna huā

    samand-e-shauq pe KHat us ka taziyana hua

    mile hue bhi to us se hamein zamana hua

    ye sochta hun ki aaKHir wo maslahat kya thi

    ki jis se tark-e-talluq ka ek bahana hua

    ab aa bhi jao ki ek dusre mein gum ho jaen

    visal-o-hijr ka qissa bahut purana hua

    wo jis se milne ki dil mein taDap ziyaada hai

    hamara us se taaruf bhi ghaebana hua

    sadaqaton pe yaqin koi kis tarah kar le

    ki kal jo sach tha wahi aaj ek fasana hua

    wo teri bazm se bazar ho ki gulshan ho

    kahan kahan na mera dil tera nishana hua

    wo aaj aae hain 'nadir' to aisa lagta hai

    falak pe jaise hamara gharib-KHana hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY