samjhe hai mafhum nazar ka dil ka ishaara jaane hai

samjhe hai mafhūm nazar kā dil kā ishāra jaane hai

ham tum chup haiñ lekin duniyā haal hamārā jaane hai

halkī havā ke ik jhoñke meñ kaise kaise phuul gire

gulshan ke gul-posh na jāneñ gulshan saarā jaane hai

sham-e-tamannā pichhle pahar tak dard kā aañsū ban hī ga.ī

shaam kā taarā kaise Duubā sub.h kā taarā jaane hai

kyā kyā haiñ ā.īn-e-tamāshā kyā kyā haiñ ādāb-e-nazar

chashm-e-havas ye sab kyā jaane vo to nazāra jaane hai

apne 'shamīm'-e-rusvā ko tum jaano ho anjān koī

bastī saarī pahchāne hai sahrā saarā jaane hai

samjhe hai mafhum nazar ka dil ka ishaara jaane hai

hum tum chup hain lekin duniya haal hamara jaane hai

halki hawa ke ek jhonke mein kaise kaise phul gire

gulshan ke gul-posh na jaanen gulshan sara jaane hai

sham-e-tamanna pichhle pahar tak dard ka aansu ban hi gai

sham ka tara kaise Duba subh ka tara jaane hai

kya kya hain aain-e-tamasha kya kya hain aadab-e-nazar

chashm-e-hawas ye sab kya jaane wo to nazara jaane hai

apne 'shamim'-e-ruswa ko tum jaano ho anjaan koi

basti sari pahchane hai sahra sara jaane hai