samundar bhī huā ibrat-nishāñ paanī hī paanī
mire chāroñ taraf hai al-amāñ paanī hī paanī
ajab duniyā hai is ko fikr-e-duniyā hī nahīñ hai
faqat dekhā hai to girya-kunāñ paanī hī paanī
nigāh-e-nam se is nisbat bhī rishta joḌe rakkhā
ki maiñ huuñ ek sahrā aur vahāñ paanī hī paanī
tumhāre saath jis dam tan-badan bārish meñ bhīgā
lahū ban kar ragoñ meñ thā ravāñ paanī hī paanī
samundar se hasad karne ko ab jī chāhtā hai
hazāroñ saal se yūñhī javāñ paanī hī paanī
yahāñ se bach nikalne kā koī rasta nahīñ hai
kināre aur un ke darmiyāñ paanī hī paanī
samundar bhi hua ibrat-nishan pani hi pani
mere chaaron taraf hai al-aman pani hi pani
ajab duniya hai is ko fikr-e-duniya hi nahin hai
faqat dekha hai to girya-kunan pani hi pani
nigah-e-nam se is nisbat bhi rishta joDe rakkha
ki main hun ek sahra aur wahan pani hi pani
tumhaare sath jis dam tan-badan barish mein bhiga
lahu ban kar ragon mein tha rawan pani hi pani
samundar se hasad karne ko ab ji chahta hai
hazaron sal se yunhi jawan pani hi pani
yahan se bach nikalne ka koi rasta nahin hai
kinare aur un ke darmiyan pani hi pani
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
