samundar tishnagi wahshat rasai chashma-e-lab tak

samundar tishnagī vahshat rasā.ī chashma-e-lab tak

ye saarā khel in āñkhoñ se dekhā tere kartab tak

tamāsha-gāh-e-duniyā meñ tamāshā.ī rahe ham bhī

sahar kī aarzū ham ne bhī kī thī jalva-e-shab tak

na jaane vaqt kā kyā faisla hai der kitnī hai

ghaḌī kī sūiyāñ bhī ho chukī haiñ muzmahil ab tak

kabhī fursat milī to āsmāñ se ham ye pūchheñge

rahegā tū hamāre sar pe yuuñ hī mehrbāñ kab tak

ḳhudā jaane kahāñ tak kāmyābī haath aa.ī hai

ki apnī baat to pahuñchā chukā apne muḳhātab tak

samundar tishnagi wahshat rasai chashma-e-lab tak

ye sara khel in aankhon se dekha tere kartab tak

tamasha-gah-e-duniya mein tamashai rahe hum bhi

sahar ki aarzu hum ne bhi ki thi jalwa-e-shab tak

na jaane waqt ka kya faisla hai der kitni hai

ghaDi ki suiyan bhi ho chuki hain muzmahil ab tak

kabhi fursat mili to aasman se hum ye puchhenge

rahega tu hamare sar pe yun hi mehrban kab tak

KHuda jaane kahan tak kaamyabi hath aai hai

ki apni baat to pahuncha chuka apne muKHatab tak