san lewe agar tu meri dildar ki aawaz

sun leve agar tū mirī dildār kī āvāz

hargiz na sune phir kabhūñ mizmār kī āvāz

khul jāveñ agar kaan tire dil ke to be-shak

har samt se phir aa.e tujhe yaar kī āvāz

sun kar vo sadā tā.ir-e-dil kī mire bole

shāyad ki ye hai bulbul-e-gulzār kī āvāz

ho jaave kamāñ tīr-e-falak bār-e-alam se

sun leve jo tere lab-e-sofār kī āvāz

murde ko jilā kar ke banāve hai masīhā

ai īsā-e-daurāñ tirī raftār kī āvāz

suntā huuñ maiñ 'āsim' shah-e-ḳhādim ke laboñ se

har lahza badal shiblī aur attār kī āvāz

sun lewe agar tu meri dildar ki aawaz

hargiz na sune phir kabhun mizmar ki aawaz

khul jawen agar kan tere dil ke to be-shak

har samt se phir aae tujhe yar ki aawaz

sun kar wo sada tair-e-dil ki mere bole

shayad ki ye hai bulbul-e-gulzar ki aawaz

ho jawe kaman tir-e-falak bar-e-alam se

sun lewe jo tere lab-e-sofar ki aawaz

murde ko jila kar ke banawe hai masiha

ai isa-e-dauran teri raftar ki aawaz

sunta hun main 'asim' shah-e-KHadim ke labon se

har lahza badal shibli aur attar ki aawaz