sanat na hogi taham kya chiz ho gae tum

san.at na hogī tāham kyā chiiz ho ga.e tum

har shaḳhs se tavāzo har baat par tabassum

dekho na mere dil kī tasvīr-e-pā.emālī

apne se ḳhud na nafrat karne lago kahīñ tum

jis din se tere dil tak pahuñchīñ mirī nigāheñ

yaksāñ hai mujh ko terī ḳhāmoshī-o-takallum

hai kis maqām par ab ulfat ḳhudā hī jaane

haiñ vo bhī aaj chup-chup baiThe haiñ ham bhī gum-sum

maiñ soch meñ thā chhoḌūñ kis tarah do-jahāñ ko

achchhā huā ki mujh ko aise meñ mil ga.e tum

'maikash' sā aadmī aur ulfat kī saḳht rāheñ

har gaam par hai laġhzish har gaam par tasādum

sanat na hogi taham kya chiz ho gae tum

har shaKHs se tawazo har baat par tabassum

dekho na mere dil ki taswir-e-paemali

apne se KHud na nafrat karne lago kahin tum

jis din se tere dil tak pahunchin meri nigahen

yaksan hai mujh ko teri KHamoshi-o-takallum

hai kis maqam par ab ulfat KHuda hi jaane

hain wo bhi aaj chup-chup baiThe hain hum bhi gum-sum

main soch mein tha chhoDun kis tarah do-jahan ko

achchha hua ki mujh ko aise mein mil gae tum

'maikash' sa aadmi aur ulfat ki saKHt rahen

har gam par hai laghzish har gam par tasadum