sang-dil hun is qadar aankhen bhigo sakta nahin

Iqbal Sajid

sang-dil hun is qadar aankhen bhigo sakta nahin

Iqbal Sajid

MORE BYIqbal Sajid

    sañg-dil huuñ is qadar āñkheñ bhigo saktā nahīñ

    maiñ ki pathrīlī zamīñ meñ phuul bo saktā nahīñ

    lag chuke haiñ dāmanoñ par jitne rusvā.ī ke daaġh

    in ko aañsū kyā samundar tak bhī dho saktā nahīñ

    ek do dukh hoñ to phir un se karūñ jī-bhar ke pyaar

    sab ko siine se lagā luuñ ye to ho saktā nahīñ

    terī barbādī pe ab aañsū bahā.ūñ kis liye

    maiñ to ḳhud apnī tabāhī par bhī ro saktā nahīñ

    jis ne samjhā ho hamesha dostī ko kārobār

    dosto vo to kisī dost ho saktā nahīñ

    ḳhvāhishoñ nazr kar duuñ kis liye anmol ashk

    kachche dhāgoñ meñ koī motī piro saktā nahīñ

    maiñ tire dar bhikārī mire dar faqīr

    aadmī is daur meñ ḳhuddār ho saktā nahīñ

    mujh ko itnā bhī nahīñ hai surḳh-rū hone shauq

    be-sabab taaza lahū fasl bo saktā nahīñ

    yaad ke sho.aloñ pe jaltā hai agar merā badan

    oḌh kar phūloñ chādar bhī so saktā nahīñ

    haath jis se kuchh na aa.e us ḳhvāhish kyuuñ karūñ

    duudh mānind maiñ paanī bilo saktā nahīñ

    sang-dil hun is qadar aankhen bhigo sakta nahin

    main ki pathrili zamin mein phul bo sakta nahin

    lag chuke hain damanon par jitne ruswai ke dagh

    in ko aansu kya samundar tak bhi dho sakta nahin

    ek do dukh hon to phir un se karun ji-bhar ke pyar

    sab ko sine se laga lun ye to ho sakta nahin

    teri barbaadi pe ab aansu bahaun kis liye

    main to KHud apni tabahi par bhi ro sakta nahin

    jis ne samjha ho hamesha dosti ko karobar

    dosto wo to kisi ka dost ho sakta nahin

    KHwahishon ki nazr kar dun kis liye anmol ashk

    kachche dhagon mein koi moti piro sakta nahin

    main tere dar ka bhikari tu mere dar ka faqir

    aadmi is daur mein KHuddar ho sakta nahin

    mujh ko itna bhi nahin hai surKH-ru hone ka shauq

    be-sabab taza lahu ki fasl bo sakta nahin

    yaad ke shoalon pe jalta hai agar mera badan

    oDh kar phulon ki chadar tu bhi so sakta nahin

    hath jis se kuchh na aae us ki KHwahish kyun karun

    dudh ki manind main pani bilo sakta nahin

    Source :
    • Book : kulliyat-e-iqbaal saajid (Pg. 251)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY