sang ho ya aaina sab ki kahani ek hai

sang ho yā aa.ina sab kī kahānī ek hai

aag sab kī ek hai aur sab kā paanī ek hai

kuchh haqīqat-āshnā haiñ ab bhī go thoḌe sahī

is na.ī duniyā meñ bhī duniyā purānī ek hai

qalb aur ehsās se yaksāñ hai sab kā silsila

hoñ junūñ vaale kahīñ bhī rājdhānī ek hai

hākimān-e-ahd-e-nau sab maslahat ke haiñ ġhulām

ho kahīñ kā koī raaja sab kī raanī ek hai

koī hañs kar chashm nam hai koī ro kar tar-ba-tar

aañkh har ik kī judā hai sab kā paanī ek hai

jur.at-e-iz.hār hī nāpaid hai jaise 'nihāl'

sab zabāñ rakhte haiñ sab kī be-zabānī ek hai

sang ho ya aaina sab ki kahani ek hai

aag sab ki ek hai aur sab ka pani ek hai

kuchh haqiqat-ashna hain ab bhi go thoDe sahi

is nai duniya mein bhi duniya purani ek hai

qalb aur ehsas se yaksan hai sab ka silsila

hon junun wale kahin bhi rajdhani ek hai

hakiman-e-ahd-e-nau sab maslahat ke hain ghulam

ho kahin ka koi raja sab ki rani ek hai

koi hans kar chashm nam hai koi ro kar tar-ba-tar

aankh har ek ki juda hai sab ka pani ek hai

jurat-e-izhaar hi napaid hai jaise 'nihaal'

sab zaban rakhte hain sab ki be-zabani ek hai