sanjidgi ki KHas zarurat to hai nahin

sanjīdgī kī ḳhaas zarūrat to hai nahīñ

afsāna hai ye ziist haqīqat to hai nahīñ

adnā sā ek dā.era hai ishq-o-uns kā

is dil meñ āsmān kī vus.at to hai nahīñ

ik soch hai zarā sī mirī tum se muḳhtalif

kuchh merī tum se zaatī adāvat to hai nahīñ

bāzār se hai sab ko munāfe kī hī ġharaz

par sab ke paas tarz-e-tijārat to hai nahīñ

us ne zarūr kar liyā iqbāl jurm kā

lekin nazar meñ us ke nadāmat to hai nahīñ

likkhā hai thoḌī naam kisī kā havāoñ par

ye dhuup bhī kisī kī virāsat to hai nahīñ

'saurabh' tujhe ye ḳhauf hai rusvā.iyoñ kā kyuuñ

aisī tirī samāj meñ izzat to hai nahīñ

sanjidgi ki KHas zarurat to hai nahin

afsana hai ye zist haqiqat to hai nahin

adna sa ek daera hai ishq-o-uns ka

is dil mein aasman ki wusat to hai nahin

ek soch hai zara si meri tum se muKHtalif

kuchh meri tum se zati adawat to hai nahin

bazar se hai sab ko munafe ki hi gharaz

par sab ke pas tarz-e-tijarat to hai nahin

us ne zarur kar liya iqbaal jurm ka

lekin nazar mein us ke nadamat to hai nahin

likkha hai thoDi nam kisi ka hawaon par

ye dhup bhi kisi ki wirasat to hai nahin

'saurabh' tujhe ye KHauf hai ruswaiyon ka kyun

aisi teri samaj mein izzat to hai nahin