sar bache ya na bache turra-e-dastar gaya

sar bache yā na bache turra-e-dastār gayā

shāh-e-kaj-fahm ko shauq-e-do-sarī maar gayā

ab kisī aur ḳharābe meñ sadā degā faqīr

yaañ to āvāz lagānā mirā bekār gayā

sarkasho shukr karo jā-e-shikāyat nahīñ daar

sar gayā baar gayā tāna-e-aġhyār gayā

avvalīñ chaal se aage nahīñ sochā maiñ ne

ziist shatranj kī baazī thī so maiñ haar gayā

sad ayyām pe paTḳhe hai divāna sar ko

jis ko chāhā ki na jaa.e vahī is baar gayā

sar bache ya na bache turra-e-dastar gaya

shah-e-kaj-fahm ko shauq-e-do-sari mar gaya

ab kisi aur KHarabe mein sada dega faqir

yan to aawaz lagana mera bekar gaya

sarkasho shukr karo ja-e-shikayat nahin dar

sar gaya bar gaya tana-e-aghyar gaya

awwalin chaal se aage nahin socha main ne

zist shatranj ki bazi thi so main haar gaya

sad ayyam pe paTKHe hai diwana sar ko

jis ko chaha ki na jae wahi is bar gaya