sar-e-niyaz jhukana koi mazaq nahin

sar-e-niyāz jhukānā koī mazāq nahīñ

anā-e-qalb miTānā koī mazāq nahīñ

laboñ pe aah ba-har-hāl aa hī jaatī hai

jigar kī choT chhupānā koī mazāq nahīñ

nuqūsh-e-qalb miTāne se miT nahīñ sakte

kisī ko dil se bhulānā koī mazāq nahīñ

hañsī hañsī meñ bhī kyā kyā gurez-pā.ī hai

tarāshte haiñ bahāna koī mazāq nahīñ

jahāñ adab meñ siyāsat chalī jaatī hai

vahāñ bhī rañg jamānā koī mazāq nahīñ

nikālte ho zamīneñ na.ī na.ī lekin

radīf kā bhī nibhānā koī mazāq nahīñ

jo ahl-e-ilm haiñ kāñTe haiñ un kī rāhoñ meñ

ab un ko 'tāj' haTnā koī mazāq nahīñ

sar-e-niyaz jhukana koi mazaq nahin

ana-e-qalb miTana koi mazaq nahin

labon pe aah ba-har-haal aa hi jati hai

jigar ki choT chhupana koi mazaq nahin

nuqush-e-qalb miTane se miT nahin sakte

kisi ko dil se bhulana koi mazaq nahin

hansi hansi mein bhi kya kya gurez-pai hai

tarashte hain bahana koi mazaq nahin

jahan adab mein siyasat chali jati hai

wahan bhi rang jamana koi mazaq nahin

nikalte ho zaminen nai nai lekin

radif ka bhi nibhana koi mazaq nahin

jo ahl-e-ilm hain kanTe hain un ki rahon mein

ab un ko 'taj' haTna koi mazaq nahin