sar hone do ye kar-e-jahan aish karenge

sar hone do ye kār-e-jahāñ aish kareñge

ham log bhī ai dil-zadagāñ aish kareñge

kuchh arz kareñge tab-o-tāb-e-ḳhas-o-ḳhāshāk

aa jā ki zarā barq-e-butāñ aish kareñge

ab dil meñ sharar koī talab kā na havas kā

is ḳhaak pe kyā ḳhush-badanāñ aish kareñge

kuchh duur to bahte chale jā.eñge bhañvar tak

kuchh der sar-e-āb-e-ravāñ aish kareñge

is aas pe sachchā.ī ke din kaaT rahe haiñ

aatī hai shab-e-vahm-o-gumāñ aish kareñge

sar hone do ye kar-e-jahan aish karenge

hum log bhi ai dil-zadagan aish karenge

kuchh arz karenge tab-o-tab-e-KHas-o-KHashak

aa ja ki zara barq-e-butan aish karenge

ab dil mein sharar koi talab ka na hawas ka

is KHak pe kya KHush-badanan aish karenge

kuchh dur to bahte chale jaenge bhanwar tak

kuchh der sar-e-ab-e-rawan aish karenge

is aas pe sachchai ke din kaT rahe hain

aati hai shab-e-wahm-o-guman aish karenge