sar juDa saya juDa us dur ki diwar se

sar juḌā saaya juḌā us duur kī dīvār se

āḳhirī darvāza niklā āḳhrī dīvār se

tab to ye dīvār ūñchī thī ki jab bārish girī

phir maiñ ūñchā ho gayā is Dūbtī dīvār se

ye jo dil siine meñ hai jo ḳhvāb rozīne meñ hai

jaise koī lag ke baiThā ho tirī dīvār se

shahr kā āġhāz thā aur shahr hī miltā na thā

maiñ ulajh kar gir paḌā ik malgajī dīvār se

mil milā kar 'ishq kā ik tajraba sābit kiyā

kuchh namī dil meñ se niklī kuchh namī dīvār se

dāman achchhā thā ki ye sab daaġh achchhe haiñ batāo

kyoñ juḌe baiThe ho is miTTī bharī dīvār se

yuuñ milā diije hameñ jaise milā detī hai shaam

vaqt kī dīvār ko be-vaqt kī dīvār se

ek iiñT aur ek raḳhna ek raḳhna ek iiñT

chhāñv bhī dīvār se hai dhuup bhī dīvār se

sar juDa saya juDa us dur ki diwar se

aaKHiri darwaza nikla aaKHri diwar se

tab to ye diwar unchi thi ki jab barish giri

phir main uncha ho gaya is Dubti diwar se

ye jo dil sine mein hai jo KHwab rozine mein hai

jaise koi lag ke baiTha ho teri diwar se

shahr ka aaghaz tha aur shahr hi milta na tha

main ulajh kar gir paDa ek malgaji diwar se

mil mila kar 'ishq ka ek tajraba sabit kiya

kuchh nami dil mein se nikli kuchh nami diwar se

daman achchha tha ki ye sab dagh achchhe hain batao

kyon juDe baiThe ho is miTTi bhari diwar se

yun mila dije hamein jaise mila deti hai sham

waqt ki diwar ko be-waqt ki diwar se

ek inT aur ek raKHna ek raKHna ek inT

chhanw bhi diwar se hai dhup bhi diwar se